Gamla ljósmyndin: Fyrstur í úrslit á HM
Setja bókamerki
Íþróttadeild Morgunblaðsins og mbl.is heldur áfram að gramsa í myndasafni Morgunblaðsins og birta á mbl.is á laugardögum.
Eitt allra mesta íþróttaafrek ársins fram til þess vann Anton Sveinn McKee þegar hann hafnaði í 6. sæti í bringusundi á HM í 50 metra laug í Búdapest í sumar.
Fáir Íslendingar hafa náð alla leið í úrslit á HM í sundi enda auðveldara um að tala en í að komast þar sem sterkt sundfólk má finna í flestum heimshornum. Fyrsti Íslendingurinn til að afreka það var Eðvarð Þór Eðvarðsson sem komst í úrslit á HM árið 1986. Síðar hafa Örn Arnarson, Hrafnhildur Lúthersdóttir, Eygló Ósk Gústafsdóttir auk Antons synt í úrslitum á HM.
/frimg/1/24/42/1244202.jpg)
Eðvarð hafnaði í 8. sæti í 200 metra baksundi á HM árið 1986 en mótið fór fram í Madríd á Spáni. Eðvarð setti Norðurlandamet í sundinu en Guðjón Guðmundsson var eini sundmaðurinn sem sett hafði Norðurlandamet þar til Eðvarð náði því.
Meðfylgjandi mynd af Eðvarð í sinni sterkustu grein baksundinu tók Þorkell Þorkelsson þegar Eðvarð var upp á sitt besta en Þorkell myndaði lengi fyrir Morgunblaðið.
Eðvarð Þór keppti fyrir Njarðvík og komst í fremstu röð í heiminum. Hann synti einnig til úrslita á EM og hafnaði í 4. sæti í 200 metra baksundinu á EM 1987 og í 6. sæti í 100 metra baksundi á EM árið 1985. Eðvarð er einnig Ólympíufari og keppti í þremur greinum á leikunum í Seoul í Suður-Kóreu árið 1988. Hann snéri sér að þjálfun þegar keppnisferlinum sleppti.
Eðvarð Þór Eðvarðsson hlaut sæmdarheitið Íþróttamaður ársins hjá Samtökum íþróttafréttamanna árið 1986. Hann hafnaði í 2. sæti í kjörinu árið áður og var á meðal tíu efstu í kjörinu á árunum 1983-1987.
Bifreið ekið á skrifstofu Útlendingastofnunar
Hönnun sem bætir líf manna
Tóku upp hanskann fyrir leikskólabörn
„Skýr skilaboð til Seðlabankans“
„Þetta náttúrulega endar með ósköpum“
Beint frá Kína
Handtekin eftir að tvö börn fundust látin
Myndir: Reynir við heimsmet í Hlíðarfjalli í dag