„Hugur minn hefur alltaf stefnt út og ég vildi skoða þann möguleika ef eitthvað spennandi kæmi upp. Þegar Parma bankaði á dyrnar var ég ekki lengi að segja já,“ segir hin 23 ára Margrét Árnadóttir, sem gekk til liðs við Parma á Ítalíu fyrr í þessum mánuði.
Margrét er uppalin í KA á Akureyri og hefur leikið allan sinn meistaraflokksferil með sameiginlegu liði Þórs/KA.
Hvernig kom það til að 23 ára stelpa frá Akureyri fór til Parma á Ítalíu?
„Umboðsmaðurinn minn kom með þessa pælingu til mín eftir að ég ákvað að fara að skoða mín mál þar sem samningurinn minn hjá Þór/KA var að renna út. Ég flaug út til Ítalíu og hann hitti mig þar og við gengum frá þessu.“
Viðtalið við Margréti má sjá í heild sinni á íþróttasíðum Morgunblaðsins sem kom út í morgun.