Íþróttir | Reykjavíkurleikar | mbl | 28.1.2023 | 20:40 | Uppfært 22:36

Úrslitin í júdó eru ráðin

Frá keppni í júdó á Reykjavíkurleikum.

Keppnin í júdó á Reykjavíkurleikunum fór fram í dag, Hún var æsispennandi og óvænt úrslit litu dagsins ljós.

Í opnum flokki kvenna vann Emelie Dando frá Frakklandi. Hún vann jafnframt sinn þyngdarflokk sem var – 63 kg. Það voru margar gríðarlega jafnar og spennandi glímur bæði karla og kvennamegin.

Framganga hinar ungu og bráðefnilegu Helenu Bjarnadóttur sem er rétt 15 ára gömul að keppa á sínu fyrsta alþjóðlega móti í fullorðinsflokki var til fyrirmyndar en hún endaði með brons í sínum þyngdarflokki, - 63kg, og tapaði svo naumlega í bronsglímu í opnum flokki kvenna. Ingunn Sigurðardóttir vann sinn flokk, -78 kg, örugglega.

Hápunktur mótsins var úrslitaglíma í opnum flokki þar sem Davit Imerlishvili frá Georgíu vann sinn flokk, -100 kg. Hann hafði betur gegn hinum unga og bráðefnilega Tomas Raska frá Tékklandi sem vann sinn flokk ,+100 kg. En Tomas er aðeins 18 ára og er einn allra efnilegasti júdómaður í sínum þyngdarflokki í Evrópu og er annar sterkasti júdómaður Tékklands á eftir Ólympíumeistaranum Lukas Krapalek sem einmitt kom hingað til lands í tengslum við þetta mót fyrir nokkrum árum.

Af Íslendingum á mótinu þá var frammistaða Íslendingsins Zaza Simonishvili hvað mest áberandi en hann vann sinn þyngdarflokk, –73 kg, og barðist eins og ljón og vann brons í opna flokknum. Þess má geta að Zaza var nýlega ráðinn landsliðsþjálfari Íslands.

Árni Pétur Lund var gríðarlega flottur og endaði í þriðja sæti í -90 kg og tapaði í hörkuglímu á móti Frantisek Lhotzsky frá Tékklandi sem vann flokkinn og var það eina glíman sem hann tapaði í sínum flokki.

Úrslit dagsins í heild sinni:

-57 kg Konur

1. sæti Jasmin Kayser, Þýskalandi

2.sæti Lisa Naeve, Þýskalandi

3.sæti Juliette Varigault, Frakklandi

3.sæti Corinna Anklam, Þýskalandi

-63kg Konur

1. sæti Emilie Dando, Frakklandi

2.sæti Paula Carpio Fernandez, Spáni

3.sæti Helena Bjarnadóttir, Íslandi

-78kg Konur

1. sæti Ingunn Sigurðardóttir, Íslandi