Erna Sóley Gunnarsdóttir, frjálsíþróttakona úr ÍR, stórbætti eigið Íslandsmet í kúluvarpi innanhúss þegar hún kastaði kúlunni 17,34 metra á Houston Invitational-mótinu í Texas-ríki í Bandaríkjunum síðastliðinn föstudag.
Fyrra met Ernu Sóleyjar var 16,95 metrar en hún gerði sér lítið fyrir og kastaði fjórum sinnum yfir 17 metra í köstunum sínum sex á mótinu.
„Það er bara frábært. Ég er mjög sátt við að hafa átt mjög góða seríu og að hafa náð fjórum köstum yfir 17 metra var alveg frábært. Ég myndi segja að þetta sé frábær byrjun á tímabilinu,“ sagði Erna Sóley í samtali við Morgunblaðið.
Viðtalið við Ernu Sóleyju má lesa í heild sinni á íþróttasíðum Morgunblaðsins í dag.