Íþróttir | mbl | 7.2.2023 | 11:39 | Uppfært 12:02

Vilja ekki sjá Rússa í alþjóðlegu íþróttastarfi

ÍSÍ var eitt þeirra sambanda sem samþykkti yfirlýsinguna. mbl.is/Árni Sæberg

Ólympíunefndir, íþróttasambönd og íþróttasambönd fatlaðra á Norðurlöndum hittust á veffundum 3. febrúar sl. og voru einróma sammála um að hvorki rússneskir né hvítrússneskir íþróttamenn ættu heima á alþjóðlegum íþróttavettvangi.

Enn er óvíst hvort rússneskir íþróttamenn geti tekið þátt á Ólympíuleikunum og Ólympíumóti fatlaðra í París á næsta ári, en hin ýmsu norrænu sambönd vilja ekki sjá rússneska, né hvítrússneska íþróttamenn á þeim eða öðrum mótum.

Yfirlýsing frá norrænum Ólympíunefndum, íþróttasamböndum og íþróttasamböndum fatlaðra vegna stríðsins í Úkraínu:

Staðan í stríðinu í Úkraínu hefur ekki breyst.
Þess vegna stöndum við fast við þá afstöðu okkar, að opna ekki fyrir þátttöku íþróttafólks og embættismanna frá Rússlandi og Belarús í alþjóðlegu íþróttastarfi.
Nú er ekki rétti tíminn til að huga að endurkomu þeirra; það er afstaða okkar.
Við, Ólympíunefndir, íþróttasambönd og íþróttasambönd fatlaðra á Norðurlöndum, notum þetta tækifæri til að ítreka staðfastan stuðning okkar enn og aftur við úkraínsku þjóðina og kröfuna um frið.
Við, Ólympíunefndir, íþróttasambönd og íþróttasambönd fatlaðra á Norðurlöndum munum vinna saman og í nánu samráði við viðeigandi hagsmunaaðila til að meta stöðuna og fylgjast náið með ástandinu.

Þessi yfirlýsing hefur verið samþykkt af forsetum/formönnum eftirfarandi samtaka:

Danmörk

Danish Olympic Committee and Confederation of Sports, Hans Natorp

Danish Paralympic Committee, John Petersson

Finnland

Finnish Olympic Committee, Jan Vapaavuori

Finnish Paralympic Committee, Sari Rautio

Ísland

Íþrótta- og Ólympíusamband Íslands, Lárus Blöndal

Íþróttasamband fatlaðra, Þórður Árni Hjaltested

Noregur

Norwegian Olympic and Paralympic Committee and Confederation of Sports, Berit Kjøll