Norski skíðamaðurinn Aleksander Hilde brá á leik eftir að kærasta hans, bandaríska skíðakonan Mikaela Shiffrin, hélt áfram að bæta eigið heimsmet yfir flesta sigra á heimsbikarmótum um helgina.
Shiffrin sló um þarsíðustu helgi heimsmet Svíans Ingemars Stenmarks yfir flesta sigra á heimsbikarmótum og bætti 88. sigrinum í safnið er hún reyndist hlutskörpust stórsvigi í Soldeu í Andorra í gær.
Af því tilefni ákvað Hilde að koma Shiffrin á óvart með því að taka viðtal við hana fyrir hönd Eurosport.
Kom það Shiffrin skemmtilega á óvart og þrátt fyrir að reyna að halda andliti skellti hún allnokkrum sinnum upp úr.
Myndskeið af skondnu viðtali Hilde við Shiffrin má sjá hér: