Þróttur Vogum og Snæfell upp í 1. deild

Úr leik Þróttar Vogum og Leiknis í dag.
Úr leik Þróttar Vogum og Leiknis í dag. Ljósmynd/Facebook - Þróttur Vogum

Þróttur úr Vogum og Snæfell hafa tryggt sér sæti í 1. deild karla í körfuknattleik fyrir næsta tímabil.

Þróttur vann Leikni ur Reykjavík, 107:74, í dag og Snæfell vann Vestra, 88:59, í gær í undanúrslitum. Vegna fjölgunar í 1. deild fara tvö lið upp úr 2. deildinni í ár og ekkert lið fellur úr 1. deildinni þannig að Þór á Akureyri heldur sæti sínu.

Úrslitaeinvígi 2. deildar milli Þróttar úr Vogum og Snæfells hefst 11. apríl en það lið sem vinnur tvo leiki tryggir sér deildarmeistaratitil 2. deildar.

mbl.is
Fleira áhugavert
Fleira áhugavert