Stöngin út hjá Sigríði Andersen

Sigríður Andersen, þingmaður Miðflokksins og fyrrverandi dómsmálaráðherra, átti ekki beint sinn dag á Evrópumóti öldunga í kraftlyftingum í Frakklandi í gær. 

Þrjár af lyftum Sigríðar, sem er Íslandsmeistari í klass­ískri bekkpressu í -69 kg flokki M2 50-60 ára, voru dæmdar ógildar. 

„Þrátt fyrir góðar framfarir var þetta því miður stöngin út dagur í dag,“ stendur á Instagram-síðu Kraftfélagsins. 

Í hnébeygju tók hún tvær gildar lyftur, 102,5 kíló og síðan 107,5 kíló í þriðju umferð, sem er nýtt persónulegt met, eftir að önnur lyftan var dæmd ógild. 

Í bekkpressu lyfti hún 62,5 kílóum en seinni tvær lyfturnar voru dæmdar ógildar vegna tæknilegra mistaka. 

Í réttstöðu byrjaði hún á 110 kílóum en hækkaði síðan í 117,5 kíló sem reyndist of mikið. 

Aftur á móti skilaði þetta henni nýju persónulegu meti í hnébeygju, bekkpressu og í samanlögðu. 

• Blogga um frétt