Gamla ljósmyndin: Ungar landsliðskonur
Setja bókamerki
Íþróttadeild Morgunblaðsins og mbl.is heldur áfram að gramsa í myndasafni Morgunblaðsins og birta á mbl.is á laugardögum.
/frimg/1/32/39/1323934.jpg)
Í síðustu viku var Gamla ljósmyndin frá því á áttunda áratugnum en að þessu sinni er farið óvenju stutt aftur í tímann eða „einungis“ átta ár.
Kvennalandsliðið í íshokkí náði sínum besta árangri frá upphafi fyrr í þessum mánuði þegar liðið hafnaði í 3. sæti í efri riðli 2. deildar á HM í íshokkí í Póllandi og barðist um að komast upp í 1. deild. Liðið tapaði aðeins fyrir heimaliðinu Póllandi og vann til að mynda Spán sem náði efsta sætinu og fór upp um deild.
Sunna Björgvinsdóttir var marksækin að venju á HM og skoraði í þremur leikjum Íslands í Póllandi.
Á meðfylgjandi mynd fagna hún og Silvía Björgvinsdóttir marki á HM árið 2017 en neðri riðill 2. deildar fór þá fram á Akureyri eða í vöggu íþróttarinnar á Íslandi eins og stundum er talað um.
Þar náði Þórir Tryggvason þessari skemmtilegu mynd eftir að Sunna skoraði í sigurleik gegn Rúmeníu eftir stoðsendingu frá Silvíu og birtist myndin í Morgunblaðinu 28. febrúar 2017 en Þórir hefur náð ófáum góðum íþróttamyndum fyrir Morgunblaðið og mbl.is. Sunna snýr að myndavélinni og er númer (12).
/frimg/1/26/36/1263618.jpg)
Þær Sunna og Silvía voru þá aðeins 17 og 18 ára og ættu því að eiga mörg góð ár eftir í landsliðstreyjunni. Silvía lagði einmitt upp eitt marka fyrir Sunnu í Póllandi.
Báðar koma þær Sunna og Silvía úr Skautafélagi Akureyrar en Sunna hefur leikið í Svíþjóð í mörg ár. Þar er hún hjá Sodertalje en hefur einnig leikið með Troja-Lungby, Haninge Anchors og Leksands í Svíþjóð. Silvía var einnig um tíma hjá Södertalje en þær hafa leikið svo oft með sömu liðunum að stundum hefur þótt rétt að hnykkja á því að þær Björgvinsdættur eru ekki systur. Silvía leikur með SA en auk Södertalje hefur hún einnig leikið með Hammarby og Gautaborg í Svíþjóð og Norwich University í bandarísku háskólaíþróttunum NCAA.
Umfangsmikil lögregluaðgerð: 36 þolendur mansals
Samþykkja að stöðva umræðu um veiðigjaldamálið
Býst við að þriðja umræða hefjist á morgun
Veiðigjaldafrumvarpið afgreitt úr annarri umræðu
Sakar Hildi Sverrisdóttur um valdarán
Raunhæft að leyfi liggi fyrir eftir fjórtán vikur