Tap í spennuleik gegn Færeyingum
Setja bókamerki
Karlalið Íslands í blaki tapaði fyrir Færeyingum í æsispennandi leik, 3:2, þegar grannþjóðirnar mættust í Evrópukeppni landsliða í Digranesi í kvöld.
Íslenska liðið hefur þar með tapað öllum þremur leikjum sínum í keppninni til þessa en þetta var fyrsti leikur Færeyinga í mótinu.
Færeyingar byrjuðu betur og unnu fyrstu tvær hrinurnar, 25:21 og 25:18. Íslenska liðið kom sér inn í leikinn með því að vinna hörkuspennandi þriðju hrinu, 25:23, og fylgdi því eftir með sigri í þeirri fjórðu, 25:20.
Oddahrinan var hnífjöfn, Færeyingar komust reyndar í 3:0 en staðan var 7:7 um hana miðja. Ísland komst yfir í fyrsta skipti í 10:9 og síðan 12:11. Færeyingar áttu hins vegar góðan endasprett, unnu hrinuna 15:13 og leikinn þar með 3:2.
Kristján Valdimarsson var stigahæstur í íslenska liðinu með 19 stig en Bjarni Joensen var með 27 stig fyrir Færeyinga og Hjörtur Joensen 21.
Færeyingar mæta Svíum í Digranesi á morgun klukkan 15 og Ísland mætir Svíþjóð á sama tíma og sama stað á sunnudaginn.
Vonandi orðið staðalbúnaður á næstu 3 árum
Bíl ekið á hóp fólks í Los Angeles
Þrír ættliðir tóku þátt í Laugavegshlaupinu
Nýtt kort sýnir brennisteinsmökkinn: „Oft staðið á tæpu“
Árekstrar oft mistúlkaðir sem óþekkt
Fallist á samkomulag um vopnahlé
Neitar allri aðkomu að klámfengnu skeyti
Gefur ekkert fyrir orð von der Leyen