June Wiener sem er 75 ára gömul og vinkona hennar Sue Baskind sem er 14 árum yngri gerðu sér lítið fyrir og fóru holu í höggi á sömu brautinni um s.l. helgi á Morr Allerton vellinum á Englandi. Líkurnar á því að tveir áhugakylfingar fari holu í höggi á sömu holunni er einn á móti milljón. Brautin er rétt um 140 metrar að lengt, par 3, og sagði Wiener að hún sæi mest eftir því að hafa ekki lagt eitt pund undir í veðbanka áður en þær hófu leik.
“Ég væri rík ef ég hefði lagt eitt pund undir að við færum holu í höggi á sömu brautinni en það sem gladdi okkur mest var að í ráshópnum voru tveir aðrir kylfingar. Annars hefði engin trúað okkur,” sagði Wiener.