Þorvaldur Ægir Þorvaldsson fór holu í höggi í dag á Vestmannaeyjarvelli en hann sló draumahöggið á 15. braut sem er par 4 hola og 264 metra að lengd. Þorvaldur er í GV, en er fæddur í Borgarnesi, og notaði hann Callaway Fusion FT-3 dræver þegar hann sló upphafshöggið og sagði hann í samtali við mbl.is í kvöld að boltinn hefði farið í sveig til vinstri og lent síðan fyrir framan flötina.

„Maður sér ekki flötina frá teignum en ég hljóp af stað til þess að sjá boltann lenda og hann rúllaði beint ofaní holuna. Algjör heppni,“ sagði Þorvaldur en þetta er í annað sinn sem hann fer holu í höggi.

Þorvaldur er með 8,5 í forgjöf og er í GV en hann sagðist ánægður með að þrjú vitni voru til staðar þegar hann setti boltann ofaní eftir upphafshöggið á par 4 holunni - sem er einnig Albatros.

Veist þú um kylfing sem hefur farið holu í höggi á par 4 braut og fengið Albatros? Sendu okkur línu á golf@mbl.is

Tengdar fréttir

Golf: Íslenska mótaröðin

„Undirritun skjalsins var breytt“

• Íslandsmótið í höggleik í Vestmannaeyjum
• Golfklúbbur Reykjavíkur tekur að sér rekstur Garðavallar
• Ólafur og Heiða slá lengst allra á Íslandi
• Heiðar í 33. sæti eftir fyrsta hringinn í Skandeborg

» Fleiri tengdar fréttir

• Blogga um frétt