Valdís Þóra Jónsdóttir náði heldur betur að svara fyrir slæma byrjun á fyrsta hring á Estrella Damm-mótinu á Evrópumótaröðinni sem fram fer á Terremar-vellinum á Spáni. Valdís kom í hús á þremur höggum undir pari og er í 7.-11. sæti.
Valdís byrjaði hringinn þó afskaplega illa og fékk fjóra skolla í röð á fyrri níu holunum. Hún rétti hins vegar sannarlega úr kútnum, krækti í fimm fugla og kórónaði svo umskiðtin með því að fá örn á 16. brautinni. Hún kom í hús á 68 höggum eða þremur undir pari.
Í efsta sæti eftir fyrsta hring er hin sænska Anna Nordqvist en Valdís er sem fyrr segir í 7.-11. sæti fyrir annan hringinn sem leikinn er á morgun.
Þetta er þriðja mótið sem Valdís Þóra tekur þátt á LET Evrópumótaröðinni en hún hefur endað í 51. og 50. sæti á fyrstu tveimur mótunum og komst í gegnum niðurskurðinn á þeim báðum