Guðrún Brá Björgvinsdóttir, kylfingur úr Keili, lék fimmta og síðasta hringinn á lokaúrtökumótinu fyrir LET Evrópumótaröðina í golfi í Marokkó í dag á einu höggi yfir pari.
Guðrún Brá, sem var einn af 60 kylfingum sem komust í gegnum niðurskurðinn af 106 lék, hringina fimm á samtals tveimur höggum yfir pari og það dugði henni ekki til að enda í 25 efstu sætunum sem fá keppnisréttinn á LET-Evrópumótaröðinni.
Guðrún Brá lék fyrsta hringinn á mótinu á 74 höggum. Hún lék á 70 höggum á öðrum og þriðja hring, 75 á fjórða hringnum og á 73 höggum í dag.