Skagakonan Valdís Þóra Jónsdóttir hóf í nótt að íslenskum tíma keppni á ActewAGL Canberra Classic-golfmótinu í Canberra, höfuðborg Ástralíu.
Þetta er annað mótið á Evrópumótaröðinni á þessu ári en Valdís hafnaði í 53. sæti í því fyrsta í Victoria-fylki í Ástralíu um síðustu helgi.
Valdís Þóra lék fyrsta hringinn á 75 höggum eða þremur höggum yfir pari og er í 93. sæti en ekki hafa allir kylfingar lokið leik. Valdís byrjaði illa, fékk skolla á tveimur fyrstu holunum en hún fékk skolla á sex holum en krækti sér í þrjá fugla.
Jiyai Shin frá S-Kóreu er með forystu eftir fyrsta hringinn sem hún lék á 65 höggum eða sjö höggum undir pari.