Loks stendur uppi sigurvegari á ANA Inspiration-mótinu, fyrsta stórmóti ársins, í LPGA-mótaröðinni í golfi eftir ótrúlegan bráðabana.
Það er hin sænska Pernilla Lindberg sem hafði betur að lokum en hún keppti við Inbee Park frá Suður-Kóreu og Jennifer Song frá Bandaríkjunum í bráðabana sem spannaði átta holur og tvo daga.
Pernilla er í 95. sæti heimslistans og var að vinna sitt fyrsta stórmót en hennar besti árangur til þessa var 5. sætið í US Open-mótaröðinni árið 2015.
Ólafía Þórunn Kristinsdóttir komst ekki í gegnum niðurskurðinn eftir 2. hringinn sem leikinn var á föstudaginn var.