Tiger Woods hefur ekki náð þeirri byrjun á Masters sem hann vonaðist eftir. Hann er á þremur höggum yfir pari Augusta-vallarins eftir 12 holur.
Tiger fékk fugl á 3. holu og var þá kominn undir parið en fékk fljótt skolla og var á einu höggi yfir pari eftir níu holur. Hann fékk skolla á hinni erfiðu 11. holu og sló í vatnið á par 3 holunni númer 12. Þar náði hann samt skolla með því að setja niður nokkuð langt pútt og verra hefði það getað verið fyrst upphafshöggið fór í vatnið.
Í ljósi stöðunnar mun Tiger væntanlega sækja hressilega á 13. og 15. sem eru báðar par 5 holur og með tveimur frábærum höggum geta högglangir púttað fyrir erni á þeim báðum.
Sem stendur er Ástralínn Marc Leishmann efstur á þremur undir pari eftir 12 holur en lítið er að marka stöðuna enn sem komið er.