Rahm sigraði á opna spænska

Spánverjinn Jon Rahm sigraði á Opna spænska meistaramótinu á Evrópumótaröðinni í Madrid í gær. Rahm var fyrir mótið í 4. sæti heimslistans og lék með mjög vel en hann lauk keppni á samtals 20 höggum undir pari. 

Rahm lék hringina fjóra á 67, 68, 66 og 67 höggum en hann kom beint frá Augusta þar sem Spánverjinn sýndi hvers hann er megnugur á Masters og hafnaði þar í 4. sæti á samtals 11 undir pari. 

Birgir Leifur Hafþórsson var á meðal keppenda í mótinu en komst ekki í gegnum niðurskurðinn eftir 36 holur. Miklar sveiflur voru á milli daga hjá Birgi en hann lék á 77 höggum og 67 höggum. 

• Blogga um frétt