Atvinnukylfingurinn Ólafía Þórunn Kristinsdóttir lék lengst af frábært golf á Kingsmill Championship mótinu á LPGA-mótaröðinni í Virginíufylki í Bandaríkjunum í kvöld en tvöfaldur skolli á 16. holu reyndist henni dýr eftir stöðuga og góða frammistöðu. Ólafía lauk leik á pari í dag og í 72. sæti er hún kom í hús.
Ólafía hóf leik á fugli, fimm pörum og öðrum fugli á fyrstu sjö holunum og var tveimur höggum undir pari all þar til á 14. holu er fyrsti skolli hringsins leit dagsins ljós en fram að honum hafði Ólafía verið með efstu 20 kylfingum. Hún svaraði skollanum á 15. holu með fugli á 16. en tvöfaldur skolli, eða skrambi, á 17. holu þýddi að Ólafía hrapaði niður í 70. sæti. Ólafía hélt hins vegar haus og lauk síðustu tveimur holunum á pari.
Ólafía verður í baráttu á morgun á öðrum hringnum en þetta mót er það tíunda hjá henni á keppnistímabilinu.