Annar góður hringur hjá Birgi Leifi

Birgir Leifur Hafþórsson.
Birgir Leifur Hafþórsson. Ljósmynd/golf.is

At­vinnukylf­ing­ur­inn Birg­ir Leif­ur Hafþórs­son lék annan hringinn á Real Czech-mót­inu í evr­ópsku áskor­enda­mótaröðinni í golfi í morgun á 70 höggum eða tveimur höggum undir pari vallarins.

Birgir Leifur er því samtals 5 höggum undir pari eftir þessa tvo hringi og kemst örugglega í gegnum niðurskurðinn. Birgir fékk fjóra fugla á hringnum í dag en hann fékk sex fugla á fyrsta hringnum í gær.

Axel Bóasson er einnig á meðal keppenda á mótinu. Hann lék fyrsta hringinn í gær á þremur höggum yfir pari. Hann hefur lokið við að spila þrjár holur þegar þetta er skrifað og hefur leikið þær á pari.

mbl.is