Birgir kominn á sjö undir

Birgir Leifur Hafþórsson.
Birgir Leifur Hafþórsson.

Birgir Leifur Hafþórsson heldur áfram að gera fína hluti á Real Czech-mót­inu í evr­ópsku áskor­enda­mótaröðinni í golfi. Hann lék þriðja hringinn í dag á 70 höggum eða tveimur höggum undir pari og er hann á samtals sjö höggum undir pari.

Birgir er í 14. sæti ásamt nokkrum öðrum kylfingum, sjö höggum á eftir Minkyu Kim frá Suður-Kóreu sem er í efsta sæti á 14 höggum undir pari. Fjórði og síðasti dagur mótsins fer fram á morgun. 

Axel Bóasson var einnig á meðal keppenda á mótinu en hann komst ekki í gegnum niðurskurðinn. 

mbl.is
Fleira áhugavert
Fleira áhugavert