Örn kom Ólafíu í fín mál

Ólafía Þórunn Kristinsdóttir lék á 69 höggum eða þremur höggum undir pari á fyrsta hring á Meijer LPGA Classic for Simply Give-mótinu í Grand Rapids í Michigan í kvöld.

Hún fékk einn örn, þrjá fugla og tvo skolla á holunum 18, en örninn fékk hún á næstsíðustu holunni og bætti hún stöðu sína verulega í leiðinni. 

Ólafía var í 22.-35. sæti er hún lauk leik í dag, en sú staða gæti breyst lítillega er allir kylfingar ljúka leik. Annar hringur mótsins fer fram á morgun og er Ólafía í góðri stöðu og líkleg til að fara í gengum niðurskurðinn.