Atvinnukylfingurinn Birgir Leifur Hafþórsson lék á 73 höggum eða tveimur höggum yfir pari á öðrum hring á Italian Challenge-mótinu sem fram fer í Sardaníu á Ítalíu næstu daga. Mótið er hluti af Áskorendamótaröð Evrópu.
Birgir Leifur er samtals á einu höggi yfir eftir tvo fyrstu hringina og óvíst er hvort það dugi honum til að komast í gegnum niðurskurðinn. Eins og staðan er núna er niðurskurðurinn miðaður við parið en margir kylfingar eiga eftir að spila svo staðan getur breyst.
Birgir Leifur fékk fjóra fugla á hringnum í dag, fjóra skolla og einn tvöfaldan skolla.