Atvinnukylfingurinn Birgir Leifur Hafþórsson er úr leik á Italian Challenge-mótinu sem fram fer í Sardaníu á Ítalíu. Mótið er hluti af Áskorendamótaröð Evrópu. Birgir lék á 73 höggum í dag eða á tveimur höggum yfir pari og var hann samanlagt á einu höggi yfir pari.
Birgir var þremur höggum frá því að komast í gegnum niðurskurðinn. Sebastian Söderberg er efstur á ellefu höggum undir pari.