Atvinnukylfingarnir Axel Bóasson og Birgir Leifur Hafþórsson leika um gullverðlaunin á Evrópumótinu í liðakeppni í golfi sem fram fer á Gleneagles-vellinum í Skotlandi eftir að hafa lagt lið Spánverja að velli í undanúrslitunum fyrr í dag.
Birgir og Axel geta því unnið til annarra verðlauna sinna á þessu móti en í gær fögnuðu þeir Evrópumeistaratitlinum í keppni blandaðra liða með þeim Ólafíu Þórunni Kristinsdóttur og Valdísi Þóru Jónsdóttur.
Axel og Birgir eru að keppa við annað lið Spánverja til úrslita í dag. Verðlaunaféið er ekki af verri endanum, fyrir 1. sætið greiðast út 100.000 evrur á kylfing eða 12,8 milljónir króna. Sú upphæð helmingast svo hafni þeir í öðru sæti.