Axel Bóasson lék annan hring sinn á Galgorm Resort & Spa Northern Ireland-mótinu í Áskorendamótaröð Evrópu í dag á 74 höggum eða þremur höggum yfir pari og kemst hann ekki í gegnum niðurskurðinn.
Axel lék fyrsta hringinn í gær á 78 höggum, sjö höggum yfir pari og lýkur því keppni á samanlagt tíu höggum yfir pari. Ekki hefur gengið sem skyldi hjá Íslandsmeistaranum á mótaröðinni í ár og hefur hann aðeins einu sinni komist í gegnum niðurskurðinn á þrettán mótum.
Minkyu Kim frá Suður-Kóreu er efstur á samtals ellefu höggum undir pari.