Atvinnukylfingurinn Birgir Leifur Hafþórsson komst ekki í gegnum niðurskurðinn á D+D Real Albatross-mótinu í Tékklandi á Evrópumótaröðinni.
Birgir lék fyrsta hringinn í gær á tveimur höggum undir pari vallarins eða 70 höggum, í dag lék hann svo annan hringinn á 74 höggum eða tveimur yfir pari. Þar með lauk hann keppni á pari eftir hringina tvo sem dugði ekki til.
Birgir endaði í 109. sæti, fjórum höggum frá því að komast í gegnum niðurskurðinn. Birgir hefur komist í gegnum niðurskurðinn á tveimur sterkum mótum á Evrópumótaröðinni að undanförnu, bæði í Þýskalandi og í Svíþjóð, en ekki að þessu sinni.