Tiger og Rose efstir á lokamótinu
Setja bókamerki
Tiger Woods og Íslandsvinurinn Justin Rose eru efstir þegar lokamótið á PGA-mótaröðinni, Tour Championship, er hálfnað í Atlanta. Hafa þeir spilað fyrri 36 holurnar á 7 höggum undir pari.
Tiger Woods fær gríðarlegan stuðning frá áhorfendum og fékk fugl á lokaholunni við mikil fagnaðarlæti. Hann og Rose verða í síðasta ráshópi á morgun en Rose er nú efsti kylfingur heimlistans. Tiger var á 68 höggum og Rose á 67 höggum.
Næstur kemur Rory McIlroy á samtals 5 höggum undir pari. Margir sterkir kylfingar eru á 2-4 höggum undir pari og spennan er því mikil.
Einungis þrjátíu kylfingar fá að leika í lokamótinu og hefur þeim fækkað smám saman síðustu vikurnar í FedEx úrslitakeppninni sem saman stendur af fjórum mótum.
Kylfingarnir hafa fengið nokkuð marga fugla á East Lake vellinum en völlurinn refsar reglulega inn á milli og engum hefur tekist að stinga af. Talsverðar sveiflur hafa verið á hringjunum hjá mörgum kylfingum sem hafa klifrað upp í efstu sætin og fallið niður aftur. Rickie Fowler var í mjög góðum málum um tíma í dag en er samtals á 3 undir pari.
Tveir af bestu kylfingum þessa árs, Bryson DeChambeau og Brooks Koepka, eru í tveimur neðstu sætunum í mótinu á 6 og 7 yfir pari.
Íranar hafi vísvitandi gætt hófs
Stórbruni í Kaupmannahöfn: Børsen í ljósum logum
50% fjölgun kærumála og aukið álag
Gleymir seint deginum sem skriðurnar féllu
„Eins og ef Alþingishúsið brynni hér“
Myndir: Stórbruni í Kaupmannahöfn
Vorum kannski ekki bara „hrópandi í eyðimörkinni“