Atvinnukylfingurinn Ólafía Þórunn Kristinsdóttir hafnaði í 50. sæti á Estrella Damm-mótinu í golfi á Terramar-vell-inum á Spáni í gær en mótið er hluti af Evrópumótaröðinni, þeirri næststerkustu í heimi.
Ólafía lék fjóra hringi á samtals 281 höggi, þremur höggum undir pari.
Hún lék lokahringinn í gær á 71 höggi, eða á pari vallarins. Hún fékk þrjá fugla, þrjá skolla og tólf pör á holunum átján. Ólafía lék hring tvö og þrjú á 69 höggum, tveimur höggum undir pari. Fyrsta hringinn á mótinu lék Ólafía 72 höggum eða einu höggi yfir pari.
Ólafia Þórunn var fyrir mótið í 76. sæti á stigalista mótraðarinnar eftir mótið á Spáni er hún komin niður í 81. sæti.
Anne Van Dam frá Hollandi lék best allra og lauk leik á 26 höggum undir pari.