Birgir Leifur Hafþórsson er í níunda sæti ásamt nokkrum öðrum kylfingum eftir tvo hringi á öðru stigi úrtökumótanna fyrir Evrópumótaröðina í golfi. Birgir, sem leikur á El Encín-vellinum í Madríd, lék hringinn í dag á 70 höggum, tveimur höggum undir pari.
Hann er samtals á átta höggum undir pari í gær, en hann lék fyrsta hringinn á 66 höggum, sex höggum undir pari. Jose Geary frá Nýja-Sjálandi er efstur á samanlagt 13 höggum unir pari og Jorge Fernández frá Argentínu er annar á 12 höggum undir pari.
Birgir Leifur leikur tvo síðustu hringina næstu tvo daga og með áframhaldandi spilamennsku í líkingu við fyrri tvo dagana, á hann mikinn möguleika á að komast áfram á lokastig úrtökumótanna.