Valdís enn með forystu

Valdís Þóra Jónsdóttir úr Leyni á Akranesi er enn með forystuna á Opna NSW-mótinu í golfi á Evrópumótaröðinni. Valdís hefur lokið tveimur hringjum en mótið fer fram í Ástralíu og lauk Valdís leik á öðrum hringnum rétt í þessu.  

Valdís byrjaði með miklum látum aðfaranótt fimmtudags og lék sinn besta hring í móti erlendis á ferlinum. Valdís lék þá á 63 höggum sem er átta höggum undir pari vallarins. Var hún með þriggja högga forskot að fyrsta keppnisdegi loknum. 

Frétt af mbl.is

Valdís langefst eftir magnaðan hring

Valdís var aftur undir pari í nótt og var á 70 höggum. Hún er því samtals á níu undir pari. Frábær frammistaða og er Valdís með tveggja högga forskot á næsta kylfing sem er Þjóðverjinn Karolin Lampert. Tveir kylfingar eru á -6 höggum og þrír á -5 höggum. 

Skorkortið var nokkuð skrautlegt eins og stundum hjá Valdísi sem er sókndjörf á golfvellinum. Fékk hún einn örn á hringnum, fjóra fugla, átta pör og fimm skolla. 

Íslenskur kylfingur hefur aldrei sigrað í Evrópumótaröðinni, hvorki kvenna né karla. 

Valdís leggur af stað á þriðja hring laust fyrir miðnætti að íslenskum tíma í kvöld, eða um tíuleytið á laugardagsmorgni í Ástralíu.

Frétt af mbl.is

Besti hringur Valdísar þrátt fyrir helaumt bak

• Blogga um frétt