Bandaríkjamaðurinn Brooks Koepka fagnaði sigri á PGA-meistaramótinu í golfi sem lauk í New York í kvöld en þetta var annað risamót ársins.
Koepka var með forystuna allt mótið en hann lék fyrstu tvo hringina á samtals 12 höggum undir pari og hann hélt fengnum hlut og hrósaði sigri á þessu móti annað árið í röð. Koepka lék lokahringinn í kvöld á fjórum höggum yfir pari og lauk keppni á átta höggum undir parinu.
Bandaríkjamaðurinn Dustin Johnson varð annar á sex höggum undir pari en þrír kylfingar komu svo næstir á tveimur höggum undir pari en það voru þeir Jordan Spieth, Patrick Cantlay og Matt Wallace.
Back. To. Back.#PGAChamp @BKoepka pic.twitter.com/Gd5a1PJrko
— PGA Championship (@PGAChampionship) May 19, 2019