Norður-Írinn Rory McIlroy hefur lokið leik á fyrsta hringnum á The Open á Royal Portrush-vellinum á Norður-Írlandi.
McIlroy , sem margir höfðu spáð að yrði í baráttu um sigurinn á mótinu, átti afleitan dag en hann lék hringinn á 79 höggum eða á átta höggum yfir pari. Af þeim kylfingum sem hafa lokið leik í dag eru aðeins þrír með hærra skor en Norður-Írinn.
Ófarir McIlroy hófust strax á fyrstu holunni sem hann lék á fjórum höggum yfir pari en honum tókst aðeins að næla í tvo fugla á holunum átján.
Staðan á mótinu er uppfærð hér