Guðmundur Ágúst Kristjánsson hóf í dag keppni á opna portúgalska meistaramótinu í golfi sem er hluti af Áskorendamótaröðinni, þeirri næststerkustu hjá atvinnukylfingum í Evrópu.
Guðmundur Ágúst lék fyrsta hringinn á 76 höggum eða á fjórum höggum yfir pari og er hann í 123.-133. sæti.
Guðmundur fékk einn skramba, þrjá skolla og einn fugl á hringnum. Þetta er sjötta mótið hjá honum á þessu tímabili á Áskorendamótaröðinni. Besti árangur Íslandsmeistarans er 13. sætið sem hann endaði í á Opna Bretagne-mótinu í Frakklandi um síðustu helgi.