Fimm íslenskir kylfingar hefja leik á morgun á öðru og næstsíðasta stigi fyrir Evrópumótaröðina í golfi en það eru þeir Haraldur Franklín Magnús, Guðmundur Ágúst Kristjánsson, Andri Þór Björnsson, Rúnar Arnórsson og Bjarki Pétursson.
Aldrei áður hafa svo margir íslenskir kylfingar komist inn á 2. stig úrtökumótsins. Spilað verður á fjórum völlum á Spáni. 75 kylfingar spila á hverjum velli og komast um 20 áfram á lokaúrtökumótið sem haldið verður 15.-20. þessa mánaðar.