Valdís Þóra Jónsdóttir er úr leik eftir tvo hringi á næstsíðasta móti Evrópumótaraðar kvenna í golfi á Costa del Sol á Spáni. Valdís bætti sig um þrjú högg frá fyrsta hringnum í gær, en það dugði ekki tal.
Valdís lék hringinn í dag á þremur höggum yfir pari og hringina tvo á samanlagt níu höggum yfir pari og endaði hún í 83. sæti. Hefði hún þurft að leika á fimm höggum yfir pari til að fara í gegnum niðurskurðinn.
Karolin Lampert frá Þýskalandi er efst á átta höggum undir pari og þær Aditi Ashok, Marianne Skarpnord, Anne Van Dam og Nanna Madsen koma þar á eftir á sjö höggum undir pari.