Rúnar Arnórsson komst í gegnum niðurskurðinn á Lumine Hills Open-mótinu í Nordic Golf-mótaröðinni í golfi. Rúnar lék fyrstu tvo hringina á einu höggi undir pari, en hann lék á þremur höggum yfir pari á öðrum hring í dag.
Rúnar lék mjög vel í gær og var í toppbaráttunni eftir fyrsta hring, sem hann lék á 67 höggum. Hringinn í dag lék hann hins vegar á 75 höggum og er því í 21. sæti.
Bjarki Pétursson lék á samanlagt tveimur höggum yfir pari og var einu höggi frá því að komast í gegnum niðurskurðinn, en hann fékk skolla á síðustu holunni sem reyndist dýrkeyptur.
Ragnar Már Garðarsson lék á samanlagt á sex höggum yfir pari, en hann lék fyrsta hringinn á 73 höggum og annan hringinn á 76 höggum.
Lokahringur mótsins fer fram á morgun og verður Rúnar í eldlínunni en hann er tíu höggum frá Dönunum Oliver Jørgensen og Marcus Helligklide sem eru í tveimur efstu sætunum.