Ný taktík hjá Ryder-liði Bandaríkjanna

Bandaríkjamenn hafa ákveðið að breyta starfsháttum sínum þegar kemur að því að velja lið sitt fyrir keppnina um Ryder-bikarinn. 

Þrátt fyrir að heimsklassakylfingar séu framleiddir með reglulegu millibili í Bandaríkjunum hefur þeim gengið erfiðlega að vinna Ryder-bikarinn á þessari öld. Hefur það aðeins gert tvisvar á öldinni og Evrópa hefur unnið níu af síðustu tólf keppnum. 

Lengi vel gátu fyrirliðarnir/liðsstjórarnir valið tvo leikmenn en hinir tíu unnu sig inn í liðið með frammistöðu sinni á stærstu mótaröðunum. Undanfarið voru þeir átta sem unnu sig inn í liðið og fjórir voru valdir. 

Í þetta skiptið mun Steve Stricker, fyrirliði Bandaríkjanna, hins vegar fá að velja sex kylfinga eða helming liðsins. 

Stefnt er að því að keppnin fari fram 25.-27. september á Whistling Straits-vellinum í Wisconsin. 

• Blogga um frétt