Mikil spenna er fyrir lokahringinn á Charles Schwab Challenge-mótinu í PGA-mótaröðinni í golfi, því fyrsta í þrjá mánuði. Xander Schauffele er efstur í Texas en hann er á samtals 13 höggum undir pari. Það er hins vegar stutt í næstu menn, en sá efsti á heimslistanum þarf að gera betur.
Fimm kylfingar deila öðru sætinu, allir á 12 höggum undir pari. Sá efsti á heimslistanum, Rory McIlroy, er hins vegar jafn í níunda sætinu á tíu höggum undir pari. McIlroy fór á kostum á fyrsta hring og lék á 63 höggum, eða níu undir pari, en átti erfitt uppdráttar í gær, fékk m.a. tvo skolla í röð.
Lokahringurinn hefst í dag klukkan 12:30 að íslenskum tíma en sem fyrr segir er þetta fyrsta mót PGA-mótaraðarinnar í 91 dag eftir hlé vegna kórónuveirunnar.