Sterkustu kylfingarnir mætast á Akureyri

Sterkustu kylfingar landsins eru skráðir til leiks á Íslandsmótið í holukeppni 2020 en mótið fer fram á Jaðarsvelli á Akureyri dagana 19.-21. júní. Alls eru 32 karlar og 32 konur með keppnisrétt á mótinu sem er hluti af stigamótaröð GSÍ.

Í kvennaflokki eru atvinnukylfingarnir Ólafía Þórunn Kristinsdóttir, Guðrún Brá Björgvinsdóttir og Valdís Þóra Jónsdóttir allar skráðar til leiks en Saga Traustadóttir á titil að verja á mótinu og er hún einnig skráð til leiks á Akureyri.

Í karlaflokki eru atvinnukylfingarnir Axel Bóasson, Ólafur Björn Loftsson, Haraldur Franklín Magnús, Andri Þór Björnsson og Íslandsmeistarinn Guðmundur Ágúst Kristjánsson allir á meðal þátttakenda.

• Blogga um frétt