Tveir kylfingar hafa jafnað vallarmetið sem Bjarki Pétursson úr GKG setti á Hlíðavelli í Mosfellsbæ í gær.
Bjarki lék á 66 höggum á öðrum degi Íslandsmótsins í golfi í gær sem er sex högg undir pari vallarins.
Ragnar Már Ríkharðsson úr GM og Andri Már Óskarsson úr Golfklúbbi Selfoss léku báðir á 66 höggum á þriðja keppnisdegi í dag en keppni stendur enn yfir.
Uppfært: Hlynur Bergsson úr GKG kom síðar inn á sama skori, 66 höggum, og því eru fjórir sem saman eiga vallarmetið á Hlíðarvelli af hvítum teigum.