Atvinnukylfingurinn Ólafía Þórunn Kristinsdóttir fór upp um 74 sæti á heimslistanum í golfi eftir frammistöðu sína á Tipsport Czech Ladies Open-mótinu í LET-mótaröðinni í golfi á Berounve-vellinum í Tékklandi um helgina.
Endaði Ólafía í 20. sæti á samtals fimm höggum undir pari. Er Ólafía nú á 841. sæti heimslistans en hún var í janúar 2017 í 170. sæti listans.
Valdís Þóra Jónsdóttir er efst Íslendinga á listanum en hún er í 565. sæti, var Valdís í 299. sæti fyrir tveimur árum. Þá er Íslandsmeistarinn Guðrún Brá Björgvinsdóttir í 921. sæti listans. Hæst náði Guðrún 790. sæti.