Bandaríkjamaðurinn Dustin Johnson er með fjögurra högga forskot fyrir lokahringinn á Masters-mótinu í golfi á Augusta National-vellinum í Georgíu í Bandaríkjunum.
Johnson, sem er í efsta sæti heimslistans, hefur spilað hringina þrjá á samtals sextán höggum undir pari.
Sungjae Im frá Suður-Kóreu, Abraham Ancer frá Mexíkó og Cameron Smith frá Ástralíu eru í 2.-4. sæti á tólf höggum undir pari.
Tiger Woods, sem fór vel af stað, hefur fatast flugið og er nú í 20. sæti á fimm höggum undir pari.
Lokahringur Masters-mótsins fer fram í dag en Bandaríkjamaðurinn Justin Thomas, sem er í þriðja sæti heimslitans, er í sjötta sæti á tíu höggum udnir pari.