Guðrún Brá Björgvinsdóttir, Íslandsmeistari úr Keili, er úr leik eftir 36 holur á lokamóti Evrópumótaraðarinnar í golfi.
Mótið fer fram á Real Club de Guadalmina vellinum sem er nærri Gíbraltar og Malaga. Guðrún lék fyrstu tvo hringina á 76 og 77 höggum. Er hún samtals á níu höggum yfir pari. Aðstæður virðast vera erfiðar því skorið er hátt og var Guðrún aðeins tveimur höggum frá því að komast í gegnum niðurskurðinn.
96 kylfingar fengu keppnisrétt í mótinu og er Guðrún í 70. sæti.