Margir af bestu kylfingum heims eru smám saman að hefja keppnistímabilið af þunga á PGA-mótaröðinni vestan hafs og í gær hófst Farmers Insurance Open á Torrey Pines í Kaliforníu.
Bandaríkjamaðurinn Patrick Reed og Svíinn Alex Noren eru efsti að loknum fyrsta hringnum en þeir léku frábærlega og skiluðu inn skori upp á 64 högg. Eru þeir á 8 höggum undir pari.
Leikið er á tveimur völlum í mótinu og því verður meira að marka stöðuna að loknum 36 holum af 72.
Skorið hjá nokkrum völdum kylfingum:
-6 Gary Woodland
-5 Adam Scott
-4 Rory McIlroy
-3 Tony Finau, Jordan Spieth, John Rahm,
-2 Viktor Hovland, Xander Schauffele, Rickie Fowler, Bubba Watson.
Par Brooks Koepka