Suðurafríski kylfingurinn Louis Oosthuizen lék megnið af fyrsta hring Opna bandaríska meistaramótsins á fjórum höggum undir pari og jafnaði þar með Bandaríkjamanninn Russell Henley, sem tók óvænt forystuna á mótinu í gær.
Oosthuizen á þó enn eftir að leika tvær holur á fyrsta hring og getur því tekið forystuna síðar í dag þar sem Henley náði að klára hringinn í gær.
Var keppni frestað í gær vegna slæmra veðurskilyrða, en þoka gerði vart við sig á Torrey Pines-vellinum og því var ekki hægt að spila lengur.
Oosthuizen vann Opna bandaríska meistaramótið árið 2010.
Í dag klára þeir kylfingar sem náðu ekki að ljúka fyrsta hring í gær, og svo verður annar hringur mótsins leikinn.