Haraldur Franklín Magnús, atvinnukylfingur úr GR, er efstur eftir fyrsta hring á Áskorendamótinu í Brittany í Frakklandi eftir að hafa leikið á sex höggum undir pari í dag.
Haraldur er efstur ásamt Frakkanum Julien Brun og Suður-Afríkumanninum Jacques Blaauw, sem léku einnig á sex höggum undir pari á fyrsta hring.
Haraldur átti afar góðan dag og náði sjö fuglum og einum skolla.
Annar hringur verður leikinn á morgun, en mótið í Frakklandi hófst í dag og lýkur næstkomandi sunnudag.