Suður-Afríkumaðurinn Louis Oosthuizen er með eins högga forystu eftir þrjá hringi af fjórum á The Open á Royal St. George‘s-golfvellinum í Kent á Englandi, en mótið er eitt risamótanna á ári hverju.
Oosthuizen hefur verið í forystunni frá fyrsta degi, en hann átti sinn lakasta hring á mótinu til þessa. Forystusauðurinn lék á 69 höggum en hann lék fyrsta hringinn á 64 höggum og annan hringinn á 65 höggum. Hann er því á samanlagt 12 höggum undir pari.
Bandaríkjamaðurinn Collin Morikawa er í öðru sæti á 12 höggum undir pari og landi hans Jordan Spieth í þriðja á níu höggum undir pari. Kanadamaðurinn Corey Conners og Bandaríkjamaðurinn Scottie Sheffler koma þar á eftir á átta höggum undir pari.
Fjórði og síðasti hringurinn verður leikinn á morgun.