GR-ingarnir Haraldur Franklín Magnús og Guðmundur Ágúst Kristjánsson léku báðr á tveimur undir pari á fyrsta hring á móti í Hollandi á Áskorendamótaröðinni í golfi í dag.
Eru þeir ásamt fleirum í 20. sæti eftir fyrsta keppnisdag og eiga fína möguleika á því að komast í gegnum niðurskurð keppenda eftir tvo keppnisdaga.
Margir skoruðu vel á hringnum en efstur er Daninn Marcus Helligkilde eftir frábæran hring en hann notaði aðeins 63 högg.
Guðmundur Ágúst vann ekki alveg nógu vel úr góðri stöðu sem hann var kominn í því Guðmundur fékk tvo erni á fyrri níu holunum. Hann fékk tvo erni, engan fugl, tvo skolla og fjórtán pör. Haraldur fékk þrjá fugla, einn skolla og fjórtán pör.