Alls munu 290.000 áhorfendur mæta á Opna breska meistaramótið í golfi sem fer fram á Gamla vellinum á St. Andrews í Fife í Skotlandi í júlí næstkomandi.
Hið sögufræga mót fer fram í 150. skipti dagana 10. til 17. júlí á einum elsta golfvelli heims og er ljóst að áhorfendametið á því verður slegið í ár.
Alls bárust 1,3 milljónir umsókna um miða sem leiddi til þess að metfjöldi miða seldust. Um 52.000 manns munu mæta á hvern keppnisdaganna fjögurra og 80.000 til viðbótar eru væntanlegir á æfingadagana fjóra.
Fyrra áhorfendametið á Opna breska meistaramótinu var 239.000, sem hefur staðið frá árinu 2000 þegar Tiger Woods bar sigur úr býtum á Gamla vellinum.
Woods mun einnig taka þátt á mótinu í ár.